ހައުސިން ޑިވެލޮޕްމަންޓް ފައިނޭންސިން ކޯޕަރޭޝަން (އެޗްޑީއެފްސީ)ގެ އާ މެނޭޖިން ޑިރެކްޓަރަކަށް އަހުމަދު ޒީނަދު އައްޔަން ކޮށްފިއެވެ. ޒީނަދުގެ ތަޖުރިބާގެ މުއްސަނދިކަމާއި، ޚާއްސަކޮށް އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)ގެ މެނޭޖިން ޑިރެކްޓަރުގެ މަގާމުގައި ހުންނެވި ދުވަސްވަރު، ކުދި ވިޔަފާރިތައް ކުރިއެރުވުމަށް އޭނާގެ އިސްތިރާޖީ ތަސައްވުރާއި ޚިދުމަތްތެރިކަން ފާހަގަކޮށްލަންޖެހެއެވެ. އެސްޑީއެފްސީގައި ހުންނެވި ދުވަސްވަރު ވިޔަފާރިވެރިންނަށް ފަސޭހަ މާހައުލެއް ގާއިމްކުރުމުގައި ޒީނަދު ވަނީ މުހިންމު ދައުރެއް އަދާކޮށް، އެސްޑީއެފްސީ ކާމިޔާބީއަށް ވަރަށް ބޮޑު ދައުރެއް އަދާކޮށްފައިވެއެވެ.
ކަރޓިން ޔުނިވާސިޓީން ތައުލީމް ޙާސިލްކުރުމަށްފަހު ބޭންކް އޮފް މޯލްޑިވްސް އަދި މޯލްޑިވްސް ފައިނޭންސް ލީސިން ކޮމްޕެނީ (އެމްއެފްއެލްސީ) ފަދަ މުއައްސަސާތަކުގައި އިސް މަޤާމުތަކެއް ފުރުއްވާ ފައިނޭންސަލް ދާއިރާއިން ގިނަ ތަޖްރިބާ ހޯއްދަވާފައިވެއެވެ. އޭނާ އައްޔަން ކުރެއްވުން ވެގެންދާނީ އެޗްޑީއެފްސީން މާލީ ކަންކަން ރަނގަޅަށް ބެލެހެއްޓުމަށް ކުރާ މަސައްކަތަށް އެޅުނު ހަރުދަނާ ފިޔަވަޅަކަށެވެ. އަދި އޭނާގެ ލީޑަޝިޕްގެ ދަށުން ދެމެހެއްޓެނިވި ތަރައްގީއަށް އެޗްޑީއެފްސީ ފޯކަސް ބަދަލުކުރެވޭނެކަމަށް އުންމީދު ކުރެވެއެވެ.
