ކަނޑުދަތުރުކުރާ މީހުންނާއި،، މަސްވެރިންނަށް ޚާއްސަ “‘ރަސްއައިން” މޯބައިލް އެޕްލިކޭޝަން ލޯންޗްކޮށްފިއެވެ. މިއެޕްލިކޭޝަން ލޯންޗް ކޮށްދެއްވީ ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
އެމަނިކުފާނު މިއެޕްލިކޭޝަން ލޯންޗް ކޮށްދެއްވީ ނ.މާފަރު އިންޓަރނޭޝަނަލް އެއަރޕޯޓްގައި މިކަމަށް ޚާއްސަކޮށް ބޭއްވުނު ރަސްމީއްޔާތެއްގައެވެ.
ޤައުމީ ދިފާޢީ ބާރުން ހާމަކުރައްޗާ ގޮތުގައި ރަސްއައިން ވެގެންދާނީ ދަތުރުވެރިންނާއި މަސްވެރިންނަށް ޓެކްނޮލޮޖީގެ ގޮތުން ބޭނުންހިފޭނެ އެޕްލިކޭޝާނަކަށެވެ. މިއެޕްލިކޭޝަނާއެކު މެޓޤ އޮފީހުގެ މޫސުމީ އިންޒާރުތައްވެސް ލިބިގެންދާނެއެވެ. މީގެ އިތުރުން، ޑައިވް ޕޮއިންޓްތަކުގެ މަޢުލޫމާތާއި މަސްކަނދުފަތިތަކުގެ މަޢުލޫމާތާއި، މަސްއައިންތަކުގެ މައުލޫމާތު އަދި ދިޔަވަރާއި އޮއިވަރުގެ މަޢުލޫމާތު ހިމެނެއެވެ. މިހެންވުމުން މަސްވެރިން މަސްއައިން ހޯދުމަށް ކުރާ ދަތުރުގެ ޚަރަދާއި ވަގުތު ކުޑަވެގެންދާނެއެވެ.
އަދި ހަމަ މިއެޕްލިކޭޝަންގައި އިތުރު ބައެއްގެ ގޮތުގައި އޮޑިދޯނިފަހަރުން ފޮނުވާ މެސެޖްތަކާއި ކުއްލިޙާލަތުގައި ފޮނުވާ މެސެޖްތަކާއި ކޯސްޓްގާޑުގެ ފަރާޓުން ދެމުންދާ މެސެޖުތައްވެސް ފެންނާނެކަމުގައި ވިދާޅުވެއެވެ،
