މިރޯދަމަހުގެ ކަރަންޓް އަދި ފެންބިލް ތައްޔާރުކުރާނީ އާދައިގެ މަހެއްގެ އެވްރެޖަށް ބަލައިގެން ކަމަށް ޔޫޓިލިޓީ ރެގިއުލޭޓަރީ އޮތޯރިޓީން ބުނެފިއެވެ. އެއޮތޯރިތީން އިއްޔެ ނެރުނު އިއުލާނެއްގައި ރައީސް ޑރ.މުއިއްޒުގެ ވަޢުދުފުޅާ އެއްގޮތަށް ރޯދަމަހު މިދެޚިދުމަތުގެ ބޭނުންކުރާ ނިސްބަތް ބޮޑުވުމުން އަންނަ ބުރައަށް ޙައްލު ހޯއްދަވައިދެއްވުމުގެ ގޮތުން މިގޮތަށް ބިލްކުރުމަށް މިހާރު ހަމަޖއްސަވާފައިވާ ކަމަށެވެ.
އެއޮތޯރިޓީން ބުނެފައިވާ ގޮތުގައި ބިލްކުރާއިރު ރޯދަ މަހުގެ ޑިސްކައުންޓް އަދަދާއި ބޭނުންކުރި އަދަދު ވެސް ބިލުން ފެންނާނެގޮތަށް ހިމެނުމަށް ޚިދުމަތްދޭ ކުންފުނިތަކަށް މިހާރުވާނީ އަންގާފައި ކަމަށެވެ.
