ވިޔަފާރި ރެޖިސްޓްރޭޝަން އަވަސްކޮށް، ރަނގަޅު ކުރުމަށް އިގްތިސާދީ ވުޒާރާއާއި މޯލްޑިވްސް އިސްލާމިކް ބޭންކް އިން އެއްބަސްވުމެއްގައި ސޮއިކޮށްފިއެވެ.
މިއީ ޑާޓާ ހިއްސާކޮށް ރައްކާތެރިކަން ކަށަވަރު ކުރުމަށް ޓަކައި މިިނިސްޓްރީން މިފަދަ އެއްބަސްވުމެއް އެކުލަވާލި ފުރަތަމަ ފަހަރެވެ.
މި އެއްބަސްވުން ބިނާވެފައިވަނީ ކަސްޓަމަރުންގެ ތަޖުރިބާ ބަދަލުކޮށްދޭނެ ވިޔަފާރި ޕޯޓަލެއް ކަމަށްވާ ބޮލި އޭޕީއައިއަށެވެ. މި ޕޯޓަލް މެދުވެރިކޮށް ވިޔަފާރި ފެށުމަށް ބޭނުންވާ ޑޮކިއުމަންޓުތައް އޮންލައިންކޮށް ލިބޭނެ އިންތިޒާމް ހަމަޖެހޭނެއެވެ.
“މިސާލަކަށް މާލީ އިދާރާތަކުން ދުވާލަކު އެތައް ހާސް ވެރިފިކޭޝަންތަކެއް ކުރިއަށް ގެންދަނީ. އަޅުގަނޑުމެންގެ އެޕީއައިއިން ޑޭޓާ ވެރިފިކޭޝަން އަވަސްކޮށްދިނުމުގެ އިތުރުން ހިދުމަތްދޭ ފަރާތްތަކަށް ވިޔަފާރިތައް އޮތެންޓިކޭޓް ކުރުމަށް އެހީތެރިވެދޭނެ,” އޭނާ ވިދާޅުވިއެވެ.
މި ޕޯޓަލްގެ ފައިދާތަކުގެ ތެރޭގައި، ރަޖިސްޓްރޭޝަން އަވަސްވުމާއި، ކަސްޓަމަރުންނަށް ދޭ ޚިދުމަތް ރަނގަޅުވުމާއި މައުލޫމާތުގެ ރައްކާތެރިކަން ކަށަވަރުވުން ހިމެނެއެވެ.
