އިންޓަނެޓް ބޭނުންކޮށްގެން މުވާސަލާތު ކުރުމަށް ބޭނުންކުރަމުން ދިޔަ އެޕްލިކޭޝަން — ސްކައިޕްގެ ހިދުމަތް ހުއްޓާލުމަށް މައިކްރޯސޮފްޓުން ނިންމައިފި އެވެ.
ދަ ގާޑިއަން ނޫހުން ރިޕޯޓުކޮށްފައިވާ ގޮތުގައި މައިކްރޯސޮފްޓުން ސްކައިޕް ބަންދުކުރަން ނިންމާފައިވަނީ އެ ކުންފުނީގެ އަމިއްލަ އެޕްލިކޭޝަނެއް ކަމުގައިވާ މައިކްރޯސޮފްޓް ޓީމްސްއަށް އިސްކަން ދިނުމަށްޓަކަ އެވެ.
ސްކައިޕް އެއްކޮށް ހުއްޓާލުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ ތެރޭގައެވެ.
މައިކްރޯސޮފްޓުގެ ސީއީއޯ ސަތިޔާ ނަދެއްލާ ވިދާޅުވީ ސްކައިޕް އަކީ އެ ކުންފުނީގެ ތާރީހުގައި ވަރަށް މުހިއްމު ދައުރެއް އަދާކުރި އެޕްލިކޭޝަނެއް ކަމަށެވެ. ނަމަވެސް ޓެކްނޮލޮޖީ ކުރިއަރަމުންދާ ވަރަކަށް ކަންކަން ބަދަލުވާންޖެހޭތީ އެ ކުންފުނިން މިވަގުތު އިސްކަންދެނީ މައިކްރޯސޮފްޓް ޓީމްސް އިތުރަށް ވަރުގަދަ ކުރަން ކަމަށެވެ.
ސްކައިޕް ބަންދުކުރަން ނިންމުމާ ގުޅިގެން އެތައް ބަޔަކު ގެންދަނީ ކަންބޮޑުވުން ފާޅުކުރަމުންނެވެ.
މައިކްރޯސޮފްޓުން ބުނި ގޮތުގައި ސްކައިޕް ބަންދުކުރުމުގެ ކުރިން އޭގެ ބޭނުންކުރާ ފަރާތްތަކަށް އެހެން އެޕްލިކޭޝަންތަކަށް ބަދަލުވުމަށް އެހީތެރިކަން ފޯރުކޮށްދޭނެ އެވެ. އަދި ސްކައިޕްގެ މުހިއްމު ފީޗާތައް މައިކްރޯސޮފްޓް ޓީމްސްއަށް އިތުރުކުރާނެ ކަމަށްވެސް ބުންޏެވެ.
