ރާއްޖޭގެ އެކި ކަންކޮޅުތަކުގައި ތިބި އުރީދޫ ކަސްޓަމަރުންނަށް ހާއްސަކޮށް މި ރޯދަމަހު ތައާރަފު ކުރި ހިތްގައިމު މޮބައިލް ގޭމް ކަމަށްވާ އުރީދޫ ކަރާ ފެޅުން ނިމެން ދެ ދުވަހަށް ވެއްޖެ އެވެ.

އުރީދޫ އިން ބުނީ “ކަރާ ފެޅުން” ރޯދަ މަހު އެންމެ ފަހު ދުވަހު ނިންމާލާއިރު މިއީ އެޕަލްގެ އެންމެ ފަހުގެ ޑިވައިސްތަކާއި ހިތްގައިމު 65 އިންޗީގެ ޓީވީއެއް ހިމެނޭ 10 އިނާމުގެ ބަންޑަލް ހޯދުމަށް މި ގޭމް ކުޅެގެން ލިބޭ އެންމެ ފަހު ފުރުސަތު ކަމަށެވެ.

އެހެން އަހަރުތަކުގައި ހަދިޔާފޮށި ގެނެސްދިން ގޮތަށް އުރީދޫ ކަރާ ފެޅުންވެސް އުރީދޫ އެޕް މެދުވެރިކޮށް ކަސްޓަމަރުންނަށް ކޮންމެ ދުވަހަކުވެސް ހިތްގައިމު އިނާމުތަކެއް ހޯދުމަށް ފުރުސަތުތަކެއް ވަނީ ފަހިކޮށްދީފަ އެވެ.

އުރީދޫ އިން ބުނީ ދުވާލެއްގެ މައްޗަށް އެންމެ މަދުވެގެން 200 ޓެޕް ކޮށްގެން ކަސްޓަމަރުންނަށް މި ހިތްގައިމު ގްރޭންޑް ޕްރައިޒް ލިބުމުގެ ފުރުސަތު ފަހިވާނެ ކަމަށެވެ. އަދި ނަސީބުވެރި އެއް ފަރާތަކަށް އަލްޓިމޭޓް ޓެކް ޕެކޭޖް ލިބިގެންދާނެ އެވެ.

ޕެކޭޖްގައި ހިމެނޭ އިނާމުތައް

އުރީދޫ ކަރާ ފެޅުމަކީ ކަސްޓަމަރުންގެ މެދުގައި ބޮޑު ކާމިޔާބީއެއް ހޯދާފައިވާ ގޭމެކެވެ. މި ގޭމްގައި ބައިވެރިވެ އިނާމު ހޯދުމަށް ކަރާ ފެޅުމުގައި އަދިވެސް ބައިވެރިވެވޭނެ އެވެ.