ޖަރުމަނުގެ މަޝްހޫރު ކާރު އުފައްދާ ކުންފުނި ބީއެމްޑަބްލިޔުއިން ވަނީ މިއަހަރުގެ ތެރޭގައި ކުންފުންޏަށް ލިބޭނެ ކަމަށް އުންމީދުކުރި ސާފު ފައިދާގެ އަންދާޒާތައް ބޮޑުތަނުން ދަށްވާނެ ކަމުގެ ރަސްމީ އިންޒާރެއް ބާޒާރަށް ނެރެފައެވެ. ކުންފުނީގެ މާލީ އަންދާޒާތަކަށް ބަލާއިރު، އޮޕަރޭޓިންގް މާޖިން ކުރިން ލަފާކުރި 4 އިންސައްތައާއި 6 އިންސައްތައިގެ ދަރަޖައިން، 1 އިންސައްތައާއި 3 އިންސައްތައާ ދެމެދުގެ ދަށް މިންވަރަކަށް ވެއްޓޭނެއެވެ. އަދި ކުންފުނީގެ ޓެކްސްއަށް ކެނޑުމުގެ ކުރީގެ ފައިދާ ވޭތުވެދިޔަ އަހަރު ލިބުނު 10.2 ބިލިއަން ޔޫރޯއަށްވުރެ ބޮޑުތަނުން ދަށްވާނެއެވެ. މި ނިންމުމާ އެކު ފްރެންކްފާާޓް ސްޓޮކް އެކްސްޗޭންޖްގައި ބީއެމްޑަބްލިޔުގެ ހިއްސާގެ އަގު ވަގުތުން 7 އިންސައްތައަށްވުރެ ދަށްވެގެންދިޔައެވެ.
މި ބޮޑު މަޑުޖެހުން ކުރިމަތިވާން މެދުވެރިވި އެންމެ މައިގަނޑު އެއް ސަބަބަކީ ޗައިނާގެ އިލެކްޓްރިކް ވެހިކަލް ބާޒާރުގައި ބީއެމްޑަބްލިޔުއަށް ކުރިމަތިވަމުންދާ ވަރުގަދަ ވާދަވެރިކަމެވެ. ޗައިނާގެ އަމިއްލަ އިލެކްޓްރިކް ވެހިކަލް އުފައްދާ ކުންފުނިތަކުން ދަށް އަގުތަކެއްގައި ޒަމާނީ ކާރުތައް ބާޒާރަށް ނެރެމުންދިއުމުގެ ސަބަބުން، ބީއެމްޑަބްލިޔުގެ ފުރުތަމަ ކުއާޓަރުގެ ޑެލިވަރީތައް ޗައިނާގައި ވަނީ 10 އިންސައްތަ ދަށްވެފައެވެ. މީގެ އިތުރުން، ދުނިޔޭގެ ބާޒާރުގައި ހިނގަމުންދާ އިރާން ހަނގުރާމައިގެ ސަބަބުން ހަކަތައާއި މުދާ އުފުލުމުގެ ޚަރަދުތައް މަތިވެ، ބައިނަލްއަގުވާމީ ގޮތުން ކަސްޓަމަރުންގެ މާލީ ގާބިލުކަން ކުޑަވުމަކީވެސް މި ހީނަރުކަމަށް މަގުފަހިވި މުހިންމު ސަބަބެކެވެ. ކުންފުނީގެ އާ ޗީފް އެގްޒެކެޓިވް މިލާން ނެޑެލްކޮވިޗް ބަޔާންކުރި ގޮތުގައި، މި ހާލަތާ ގުޅިގެން ކުންފުނީގެ ޚަރަދުތައް ކުޑަކުރުމުގެ ހަރުކަށި ފިޔަވަޅުތަކެއް އަހަރުގެ ދެވަނަ ބައިގައި ތަންފީޒުކުރަން ޖެހޭނެއެވެ.
