މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އަށް ޖީއެސްޓީ ނުދައްކާ ވިޔަފާރިތަކުގެ ނަންތައް އާންމުކޮށްފި އެވެ.
މީރާއިން އާންމުކުރި ލިސްޓުގައި ހިމެނެނީ މިދިޔަ އަހަރުގެ ނޮވެމްބަރުގެ ނިޔަލަށް 600،000 ރުފިޔާއަށްވުރެ އިތުރަށް ޓެކްސް ދައްކަންޖެހި ނުދައްކާ ވިޔަފާރިތަކެވެ.
މި ލިސްޓުގައި 146 ފަރާތެއްގެ ނަން ހިމެނެ އެވެ.
މި ވިޔަފާރިތަކުން ދައްކަންޖެހޭ ޓެކުހުގެ ޖުމްލަ އަދަދެއް މީރާއިން ހާމައެއް ނުކުރެ އެވެ.
މީރާއަށް ޓެކްސް އަދި ޓެކްސް ބަޔާން ހުށަނާޅާ ވިޔަފާރިތަކުގެ ނަންތައް މީގެ ކުރިންވެސް އާންމުކޮށްފައިވެ އެވެ.
މި ލިސްޓުގައި ހިމެނޭ ފަރާތްތަކުގެ ތެރެއިން ފައިސާ ދައްކާ ހަލާސްކުރުމުން، ލިސްޓުން އެ ފަރާތެއްގެ ނަން އުނިކުރެ އެވެ.
