ސްކޫލަށް ކުދިން ފޮނުވަން ދަތިވާ އާއިލާތަކަށް އެހީވުމަށް މަމްސް އެއިޑް ޖަމިއްޔާއިން ހިންގާ “ބެކް ޓު ސްކޫލް” ކެމްޕޭނަށް ބީއެމްއެލް އިސްލާމިކްއިން އެއް ލައްކަ ރުފިޔާ ހަދިޔާކޮށްފިއެވެ.
ބޭންކުން ބުނީ އިޖުތިމާއީ އެކި ކަންކަމަށް އެހީތެރިކަން ފޯރުކޮށްދިނުމަށް ބޭންކުން އަބަދުވެސް އިސްކަންދޭކަމަށެވެ. އަދި ވޭތުވެދިޔަ އަހަރުތަކުގައި ވެސް މަމްސް އެއިޑުން ހިންގި އެކި ހަރަކާތްތަކަށް އެހީތެރިކަން ފޯރުކޮށްދީފައިވާނެ ކަމަށް ބީއެމްއެލްއިން ބުންޏެވެ.
މީގެ އިތުރުން މި ރޯދަ މަހު އަސާސީ ބޭނުންތައް ފުއްދުމަށް ދަތިވެފައިވާ އާއިލާތަކަށް އެހީތެރިކަން ފޯރުކޮށްދިނުމަށް މަމްސް އެއިޑުން ހިންގި ކެމްޕޭނަށް ބޭންކުގެ މުވައްޒަފުން ވަނީ އަމިއްލަ ގޮތުން ވެސް އެހީތެރިކަން ފޯރުކޮށްދީފައި ކަމަށް ބޭންކުން ބުނެއެވެ.
ބޭންކުން ބުނީ ބީއެމްއެލް އިސްލާމިކްއިން އަންނަނީ ޚިދުމަތަށް 10 އަހަރު ފުރޭ މުނާސަބަތާ ގުޅިގެން މުޖުތަމައަށް އެހީތެރިކަން ފޯރުކޮށްދިނުމަށް އެފަދަ ތަފާތު ހަރަކާތްތައް ހިންގަމުންކަމަށެވެ.
