މިފްކޯއަށް މަސްކިރުވުމަށްފަހު 8 މާރޗް 2024 އާ ހަމައަށް މަސްވެރިންނަށް ދޭންޖެހި ނުދެވި ހުރި ހުރިހާ ފައިސާއެއް ދީ ނިންމާ ޚަލާސްކުރެވިފައިވާ ކަމަށް ރައީސދް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މިފްކޯ އަދި މަސްވެރިކަމާބެހޭ ވުޒާރާއިން ބުނީ މަސްވެރިންނަށް ދޭންޖެހޭ ފައިސާގެ ތެރެއިން 157 މިލިއަން އޮޑިވެރިންނަށް ޖަމާކުރުމަށް ފަށާފައިވާ ކަމަށެވެ. ނަމަވެސް ބޭންކް އޮފް މޯލްޑީވްސް ނޫން އެހެން ބޭންކެއްގައި އެކައުންޓު އޮންނަ ފަރާތްތަކަށް ހުޅުވާ ދުވަހު ޖަމާވާނެކަމަށެވެ.
